Ga Hkyeng Bum Ginwang Zupra Hpyen Yen Mung Shawa Dingshawn Hte Hkristmas Poi Galaw

Ga hkyeng Bum Ginwang, Zupra dumhpawng Hpyen ye Dabang kaw Mali Ingra garum ningtum hpung hte Ga hkyeng Bum Ginwang  komiti ni lit la gawgap shangut da lu sai hpyen yen Mung shawa  Tsi rung ningnan ding shawn poi hte Hkristmas kyu hpyi lamang hpe December (25) ya shani ngwi pyaw awng dang ai hte galaw la lu sai lam na chye  lu ai.

      Poi lamang hta Ga hkyeng Bum Ginwang hkamja  magam gun ni, Mali Ingra garum ningtum hpung ni ,Ga hkyeng Bum Ginwang kata na magam gun ni, Hpyen Yen mung shaw ani rau wu wu di di galaw la lu sai lam ,Mali Ingra garum ningtum  hpung  ni gaw ndai Hpyen yen mungshawa tsi rung gawgapai hta  garum shang lawm ai sha n-ga  Zup ra Hpyen yen jawng ma ni hte Asak kaba sai gumgai dingla ni hpe mung garum ningtum lam jaw nga ai re ,Hpyen yen mungshawa Tsi rung kata  na tsi mawan ni hpe  KBC shamai shatsai magam dap kaw nna mung lit la garum jaw ya nga ai lam Ga hkyeng Bum  Ginwang Komati Tingyang Up tsun dan ai kaw na chye lu ai.

       Zupra  Hpyen yen Dabang kaw shanu nga ai Hpyen yen mungshawa htinggaw 200 jan gaw Zup ra Dum hpawng  ,lawt Awng dum hpawng Sut Chyai Dumhpawng  hte Hka Brawng mare na mung masha ni re hpe chye lu ai.

Leave a Reply

Your email address will not be published. Required fields are marked *