Tara Rap Ra Lam A Matu Wunpawng Ramma Ni Social Media Campaingn Galaw Nga


Myen mungdan a shanglawt lu ai masat n htoi shani Wunpawng ramma ni kawn ntara ai hku htawng jahkrat hkrum ai yawng lawt pru wa na hpe ra sharawng ai majaw myitkyina shatapru manau wang shawng kaw January 4 ya shani Sara/num 3 a sumla kap ai T-Shat Dut garan nna Palawng hpe hpun let Social media Campaingn galaw ai lam chye lu ai.

T-shirt langai hpe Kyats 5500 hte dut ya ai re, lu wa ai gumhpraw ni hpe hpyen yen tsin yam hkrum sha nga ai amyu sha ni hte ntara ai hku htawng jahkrat hkrum ai Sara/num marai 3 a dum nta masha ni hpe garum madi shadaw sa wa na lam,shanglawt lu n htoi re hte maren rap ra ai hte tara daw dan ai lam lu na matu hpyi shawn ai re lam Saranum Sut Seng Htoi kawn tsun ai.

Ndai campaingn galaw ai a marang e Sara/num marai 3 lawt na nlawt na ngu ai hta Tara rap ra ai lam hpe ra sharawng ai ngu hpe htawng madun mayu ai lam re,Myen mungdan kaw Asuya n nan lung wa ai kaw nna Shinggyim nauna garum ningtum lam galaw ai masha ni hpe hkyuk htawng sharen ahkyak la  ai lam grau sawng wa ai re majaw matut manoi teng man rap ra ai tara Je yang lam lu wa na matu lamang ni langai hpang langai galaw sa wa na masing ni nga ai lam Saranum tsun dan ai kaw na chye lu ai.

Sara Zau Jat, Sara Lum Zawng, Saranum Nang Pu ni hpe lai wa sai 2018 December 7 ya shani Myen hpyen Dap a shari jahpoi ai amu hte htawng dam shata kru hte Gumhpraw dam Sen 5 amu daw dan hkrum ai re hpe chye lu ai.



Leave a Reply

Your email address will not be published.