Laiza muklum Nazarehth zumlawng kaw Laiza jau ginwang kahtawlik ramma ni hte Miwa mung sakhkung mungdaw kahtawlik ramma ni a (1) lang na hkumzup hpawng (Fellowship) hpe January(26) ya shani galaw la lu sai lam na chye lu ai.
Hkrumzup hpawng hta Miwa mung Sakhkung mungdaw na Wa jau Anhtony hte rau Sakhkung mungdaw na ramma marai (78) hte Laiza, Laisin,Sha-it yang,Mai Sak Pa,Ja Htu Kawng,Je Yang,Hpum Lum Yang,Dai Lawn rung,Hkai rem jawng ,Tsi Jawng ni kaw na ramma yawng marai (322) sa du shang lawm ai lam na chye lu ai.
Ramma hkrumzup hpawng hkumzup hpawng a yaw shada lam hpe Ningtau Ginwang Up Wa Jau Labang lar Di tsun dan ai.
Ndai hkrumzup hpawng hta Karai Mungga hpe Ginwang Up Jau rai nga ai Wa Jau kaba Joseph Nbwi Naw,Ramma ni a matu laksan Special Talk hpe WunPawng mungdan shanglawt kongsi ningbaw malai (1) Du kaba Sumlut Gun Maw kawn tsun shaga n-htawm, Nang Hpan hte seng ai Special Talk hpe shiga magam Dap likhkam Dukaba Nhpang Naw Bu kaw nna tsun dan ai. Miwa mung na wa jau Anhtony hku nna Miwa mung a makam masham labau hte seng ai hpe sa du ngun jaw, hpaji jaw ai lam ni mung nga ai re.
Miwa mung sakhkung mungdaw na ramma ni hte hkrumzup hpawng galaw ai gaw (1) lang rai nna Du wa na shaning ni hta mung ndai zawn re ai ramma hkrumzup hpawng (Fellowship) hpe shaning shagu galaw sa wa na masing nga ai re hpe chye lu ai.