Dabu Bum makau grup yin hta hkyen laja lana htu hkrat

Miwa Mung lamu ga jarit Masat Shadaw (6) Dabu Bum hte makau grup yin shara ni hta hkyen laja lana htu hkrat wa ai majaw dai makau mayan nga ai hpyen yen Mung shawa ni hkawm sa hkawm wa grai  yakhkak nga ma ai lam na chye lu ai.

 

January 29 ya shana kaw nna January 30 ya jahpawt du hkra htu hkrat ai hkyen gaw mawdaw lam hte nta numgaw shakum ni hkan letma 10 daram htat mat ai rai nna dai hkyen ni byawng wa ai kaw madi manyap hkum pup ni hkrai rai mat ai majaw hkawm sa mung yak nga ai lam Dabu Bum hpyen yen dabang Up Salang kaba Lahpai Nawng Lat tsun ai kaw na chye lu ai.

 

January praw 8 ya shana mung kalang hkyen laja lana hkrat nna hkyen Letma 6 daram htat mat ai majaw hkawm sa hkawm wa yak ai lam byin lai wa sai rai nna ndai shata laman lahkawng lang byin sai re, Hkyen hkrat ai majaw Ju hpun tam mung yak, shadu lu shadu sha mung yak hkak nga ai sha n-ga, katsi ding lai ai majaw asak kaba sai gumgai dingla ni hte ma kaji ni machyi makaw law nga ai re.

 

Dabu bum hpyen yen dabang gaw Sadung ginra kata Ngwa Lay, Gaw Nan, Lu Gyi, Lahpai hte Mang Shang mare hkan na hpyen yen Mung shawa marai 400 jan shanu nga ai dabang re.

Leave a Reply

Your email address will not be published.