Sin hkrat sawng ai majaw mare masha ni a dum nta hpri tsut ni baw mat

Myitkyina Ginwang, Htoi San Yang buga Gat Shang Yang mare kaw February (17) ya shana maga hkying 4:00Pm aten daram hta Sin marang htu sawng ai majaw mare masha ni a dum nta yawng ngu na daram hpri tsut ni baw mat ai lam na chye lu ai.

Baw mat ai hpri tsut ni hpe mare Salang ni hku nna hpri sut ni bai garum jaw na masing nga ai lam Salang langai tsun ai.

February (17) ya shana maga sin hkrat ai shara ni gaw Gat Shang Yang mare, Mali Hka mare, Mayan, Loi Hkaw, Namti mare ni rai nna makau grup yin mare ni hkan mung sawng ai lam mare masha langai tsun dan ai.

Lai wa sai shaning hta mung ya na zawn Sin hkrat ai lam nga ai raitim ndai lang hkrat ai gaw sin grai kaba nna sawng dik re nga nna mung mare masha shana wa ai kaw na chye lu ai.

Leave a Reply

Your email address will not be published. Required fields are marked *