Njang Yang Kawng Ra mare ding shawn shang kyu hpyi hpawng galaw

Hpyen majan a majaw hprawng yen kau ra ai Njang Yang Kawng Ra mare hpe March 20 ya shanni mare dingshawn shang kyu hpyi hpawng galaw la lu sai lam na chye lu ai.

Njang Yang Kawng Ra mare gaw majan a majaw nat jahten kau hkrum ai dum n ta ni hpe gram lajang nna mi moi na mare hpe dingshawn shang kyu hpyi hpawng galaw ai re lam Mali Nmai buga hpung woi sara Labang Brang Shawng tsun dan ai.

Njang Yang Kawng Ra buga mare masha ni hpe dinghku kata lang ra ai a rung a rai hte kaga ra mara a rung a rai ni hpe KIO Asuya kaw nna sa du garum jaw ya ai re. lamang hta Sut Gan Dap Du Kaba Pausa Naw Lawn  hte Dingdung Ginwang Ginjaw Komiti Amu Madu  Salang Kaba Hkanam Myit Awng kawn sa du shang lawm ai re hpe  chye lu ai.

Njang Yang Kawng Ra mare gaw lai wa sai 2018 shaning laman Myen Hpyen Dap ni kawn KIA Masat (4) Dap Dung de laja lana htu shadut lung wa ai a ten nat kau hkrum ai mare kahtawng re hte ya a ten Mung shawa ni bai wa shanu nga sai ratim gaw sharawt lam grai naw jahkum shatsup la ra ai re hpe na chye lu ai.

Leave a Reply

Your email address will not be published. Required fields are marked *