Japan amyu sha Ken Hasegawa hpe round 2 hta Nsang Awng La htawng ginsup dang la lu

Japan Mungdan, Tokyo myo kaw March 31 ya shani galaw ai One Championship A New Era poi hta MMA One Middleweight hte Light Heavyweigth World Champion Nsang Awng La gaw Japan Mungdan masha Ken Hasegawa hpe round 2 hta htawng ginsup dang la lu sai re.

Nsang Awng La gaw shi a MMA Champion shingkyit hpe makawp maga na matu tang du hkra shaman shakyang da ai majaw awngdang na hpe kam ai lam hte dai poi hta dang hkra ginsup sa wa na re nga nna shi sanglang hpeawng hta tsun lai wa sai re.

Lai wa sai 2018 June 29 ya shana Yangon kaw galaw ai shingjawng poi hta Japan amyu sha Ken Hasagewa hpe Nsang Awng La gaw round 5 hta dang da ai rai nna ya Japan Mungdan kaw ginsup ai poi hta gaw round 2 htaw htawng dang la lu sai re hpe chye lu ai.

Leave a Reply

Your email address will not be published. Required fields are marked *