Chyahkrai ma ni hpe Ri, Kawa hte galaw mai ai lata hpaji sharin ya

Myitkyina, Du Kahtawng lawk kaw nga ai Ma ni a tsawra shingnip Chyahkrai jawngma ni hpe Ri, Kawa hte galaw mai ai lata hpaji hpe Jinghpaw Mungdaw Hkai rem rung kawn lit la let manu jahpu nla ai sha April 1 ya shani kaw nna sharin ya nga sai lam Myu Sha Pyen U shana wa ai kaw na chye lu ai.

Ri, Kawa hte galaw mai ai lata hpaji hpe Ma ni a tsawra shingnip Chyahkrai jawngma ni tinang lagaw tinang lu tsap nna kaubau bungli hpaji ni lu na matu yaw shada ai re lam Ma ni a tsawra shingnip chyahkrai ma ginra lit hkam Saranum Hkinjawng Ja Ra tsun ai.

Ya na zawn ta hpaji sharin ya ai lam hta Myitkyina myo kata Ri, Kawa ni hte kan bau bungli galaw sha nga ai ni hpe shaga nna sharin shangun ai re hte Kawa Kawp, Hkoize zawn re Ri Kawa ni kawn lu ai rung rai hpan ni hpe sharin ya na re sha n-ga Myen ni a hka jaw poi ngut ai hpang kawn mung Cycle gram hpaji ni hpe mung shata mi bai kahtap sharin ya na re hpe chye lu ai.

Ri, Kawa hte galaw mai ai ta hpaji sharin ai hta Ma ni a tsawra shingnip Chyahkrai jawngma ni hte ta hpaji myit lawm ai ma ni marai 30 jan sharin hkam la nga sai rai nna sharin hkaja ai lam hpe April 10 ya shani du hkra galaw sa wa na re lam chye lu ai.

Leave a Reply

Your email address will not be published. Required fields are marked *