Dai ning laman hta Muse jarit mayan gunrai hpaga lam grai hkrat sum nga

Myen Mung jarit mayan madung gunrai htaw shalai ai Muse, Jegau shagyit hta Miwa maga na jarit lai sa aten htawt sit kau ai, gunrai n kau hpe hkum pat ai lam ni a majaw dai ning laman hta sha Muse jarit mayan gunrai hpaga lam grai hkrat sum wa nga ai re hpe mung chye lu ai.

Yunan Asuya a galai shai kau ai masa lam ni a majaw Myen Mung na gunrai htaw hpaga la ni grai sum machyi ai lam ni byin nga ai re. Muse Shagyit kaw N-gu, Hkai Nu, Jum Dwi gunrai rai ni hpe pat hkum da ai lam ni nga ai lam Muse ginra garum ningtum ningbaw U Thaung Htun tsun ai.

Muse shagyit kaw N-gu hte kaga gunrai law law hpe pat da ai, Myen mungdan na htaw shalai ai gunrai ni hpe Miwa hpaga la ni gaw  tara n shang lam hku nna htaw shalai la rai nna ya gaw Miwa Asuya kaw nna nan tara n shang lam ni yawng hpe pat kau ai majaw rai nna Myen Mung na gunrai htaw shalai na matu Yunan Asuya hpang de ahkun hkanse bang ra ai majaw  hpaga la ni gaw Myen Mung na gunrai ni hpe n mari mat ai re lam Jarit mayan gunrai hpaga lam gaw shawoi shaning na hta grau nna hkrat sum nga ai re hpe chye lu ai.

Leave a Reply

Your email address will not be published. Required fields are marked *