Monyin kaw JLH Jawngma hkrumzup bawngban hpawng galaw

Jinghpaw Wunpawng Laili Laika hte Htunghkying Hpung, Dakkasu Jawngma ni a 7th lang na hkrumzup bawngban hpawng hpe June (3) ya shani Monyin Hkalup Hpung nawku jawng wang kaw manam zup nna hpawng galaw hpang nga sai lam JLH Mu Na Kyit Hkai Komiti kaw na chye lu ai.

Bawngban hpawng hpe June (9) ya shani du hkra galaw sa wa na rai nna JLH kaw na woi awn galaw nga ai Dakkasu shagu na magam bungli ni hpe bawngban jahkrup ai lam galaw nhtawm Jinghpaw Wunpawng Ginru Ginsa labau, Rule Of  Law, Sut Masa Lam hte seng ai ni hpe mung lakjet jaw sang lang ai lam nga na re hpe chye lu ai.

Hpawng hta JLH kaw shang lawm ai Myen Mung kata na Myitkyina, Manmaw, Monyin, Sagaing, Taunggyi, Lashio, Mandalay, Yangon, Naypyitaw ginra ni hkan na Dakasu Jawng ni kaw JLH a lit hpe woi awn nga ai ni sa du zup nga sai rai nna June (4) ya shani Ginru Ginra labau hpe Sara Marip Bawk San kaw na sang lang ai lam galaw ai hpe chye lu ai.

JLH hkrumzup bawngban hpawng hpe laning mi hta kalang hkrumzup bawngban ai lam galaw ai hta dai ning gaw Monyin Dakkasu ni madu tai ai hte galaw nga ai re hpe chye lu ai.

Leave a Reply

Your email address will not be published. Required fields are marked *