Laiza Muklum Hta Ginjaw Rung Pati Komiti Kaw Nna Pati Hte Seng Ai Sang Lang Hpawng Galaw

Wunpawng Mungdan Shanglawt Hpung, Ginjaw Rung Pati Komiti kaw nna Pati kata hpung shang ai Salang ni hte Pati garai nshang ai magam gun shawa ni hpe July(6) ya shana Laiza Lukmum Padang Rung Wang kaw Wunpawng Mungdan Shanglawt Hpung Pati hte seng ai lam hkaw tsun sang lang ai hpe chye lu ai.

Wunpawng mungdan shanglawt hpung a lam hpe grau nna chye na hkawn hkrang lu na matu hte kaning rai jawm gunhpai ra ai lam grau chye lu na matu ndai hpawng hpe woi awn galaw ai re hpe Ginjaw Rung Pati Komiti kaw na Tingnyang Up U Ra Naw Tawng tsun ai.

Hkaw tsun sang lang ai hpe Ginjaw Rung Pati Komiti Tingyang Up kaw nna sang lang ai rai nna Rawt Malan ai magam bungli galaw ra ai lam ni hte Ndai Rawt malan magam bungli hta Myu Tsaw myit hpe ningshawn tawn nna galaw gun hpai sa ra ai lam, Shanglawt lu na hpe ra sharawng ai myit masa rawng ra ai lam, Myu baw sang langai hte langai a lapran kaw gahkyin gumdin woi awn ai masa the woi awn ra ai lam hkaw tsun sang lang ai.

Hkaw tsun sang lang hpawng hta Pati shang Salang ni, Pati garai nshang ai magam gun ni yawng marai 59 sa du shang lawm madat hkam la ai lam nga ai hpe chye lu ai.

Leave a Reply

Your email address will not be published.