2015ning, 2016ning Laman Na Kani Nanghpam Pat Jasan Magam Bungli Masing Bawngban Hpawng Galaw Ai Shiga

WaiMaw,Sama, Chihpwi Law Hkawng, Myitkyina, ndai Ginra (4 ) a 2015 ning, 2016 ning laman na jawm pawnghpawm galaw sa wa na nanghpam pat jasan magam bungli hte seng nna bawngban hpawng hpe August (26) yaw kaw nna August (27) ya du hkra WaiMaw, Hka Kum buga hkalup hpung wang hta galaw ai lam na chye lu ai.

Dai hpawng hta nanghpam ningmu jahpaw ai magam bungli hpe matut ndi galaw sa wa na lam, Kani Yi nhkyen hkra ningmu jahpaw sa wa na lam, hkyen wa yang gara hku ahkyak la na ngu ai ladat ni hpe mare buga shagu de chyam bra wa hkra galaw sa wa na lam hte Kani yi n galaw na matu sadi jaw ndau shabra laika hpe mung shapraw da ai lam na chye lu ai.

Dai ndau shabra laika hta (1) WaiMaw Ginra Sadung Bum Mayan rai nga ai WawHkyung, ShingJai, WutMaw, Kampaiti mayan makau grup yin hte Chihpwi Lawk Hkawng Ginra kata hkan 2015 ning kaw nna kadai mung kani yi n glaw lu na, (2) Kani Yi galaw ai hta nchyang chyang sha ai lam hpe kadai mung n galaw lu na (3) sadi jaw ndau shana ai lam hpe lale nna Kani yi hkyen hkai shatut ai lam galaw ai rai yang mung shawa n gun hpungtun kaba hte dan jahten shamyit kau na,kani yi galaw ai hta nchyang chyang sha ai masha kadai raiti mung ja ja ahkyak la sa wa na re ngu nna ndau da ai lam hpe Waimaw nanghpam pat jasan komiti salang langai shiga jaw la ai kaw na chye lu ai.

Leave a Reply

Your email address will not be published. Required fields are marked *