Myitkyina kaw gumhpraw gashun manghkang byin

Myitkyina Edin lawk na Jan Zung Wang gaw July 6 ya shani KBZ  Bank kaw na gumhpraw Kyat Sen 230 shaw la n-htawm nta de wa ai hta nta wang chyinghka hpaw hkyen nga yang asak 20 jan ram re ai La shabrang ni kawn Nhkyi madi nna gumhpraw gashun la kau ya ai lam na chye lu ai.

“Jan Zung Wang, Bank kaw na gumhpraw htuk la ai hpang Dummya hpung ni gaw mawdaw ahpraw hte shi a hpang hkan wa ai ni rai na masa nga ai rai nna nta du ai hte ya na zawn gashun hkrum ai re. Myitkyina kaw ndai zawn re ai mabyin ni jahkring hkring byin nga ai re” nga nna Dap Kawng mare Uphkang Salang Maran Bawk Naw Tsun ai.

Myitkyina Muklum hta ya na zawn lagut dummya galaw ai masha ni gaw asak 20 jan daram re ai ramma ni law malawng rai nna lagut dummya law wa ai gaw ka-ni nanghpam lu sha ai masha law wa ai majaw re nga nna buga masha ni tsun nga ma ai re.  Ndai lagu lagut manghkang hte seng nna lit nga ai mare Salang ni kaw nna gaw PLN Balik Dap de shana da sai rai nna dai dummya  ni hpe matut sagawn nga dingyang re lam Myu sha Pyen U shiga jaw la ai kaw na chye lu  ai.

Leave a Reply

Your email address will not be published. Required fields are marked *