Myen Hpyen Dap ni gap sat makoi lup da ai Lahpai Hting Nan a moi mang hpe wan nat makoi mayang

Lahta Samsum Mungmyit Sinli ga Mungne hte Mungji lapran Pinlung mare na Slg Lahpai Gam Awng Hte Jan Shanghtin Bawk a kasha Shd. Lahpai Hting Nan Asak (30) ning gaw August (7) ya shani Gap sat hkrum nna lup makoi da ai moi mang hpe August (10) ya shani hta htu shaw la nna atsawm wan nat makoi kau sai lam buga masha ni shana wa ai kaw na chye lu ai.

Shd Lahpai htingnan nta de npru wa ai kaw nna nta masha ni hte mare masha ni gaw hkan tam ai hta shi hpe lup makoi da ai hpe mu ai raitim dai ginra hta majan byin ai majaw n mai hkawm sa rai nna August (10) ya shani she htu shaw la ai re lam na chye lu ai.

Shadang Lahpai Hting Nan Gaw Pyinlung Mare Dum nta kaw nna August (6) ya shana  hta Man Pinlung mare de Malut hkayawm sa mari na matu gat seng de sa ai shaloi, gat seng madu Hkrunlam hkawm taw ai majaw Balawng Salang langai hpe seng sin na matu lit ap da ai re lam, Shd Lahpai Hting Nan du wa ai shaloi  Gat Seng kata kaw Myen hpyen dap Tatma (99) n pu  na hpyen la ni gat seng kata kaw rawng nga ai re hte Shadang Lahpai Hting Nan hpe N sin kaba sai majaw dai seng kaw kaw yup na matu tsun ai majaw Gat seng sin ai wa hte rau yup ai hte August (7) ya manap Hkying (2) hkying (3) lapran Shadang Lahpai Hting Nan shinggan pru sa ai ten sinat n sen mali lang ngoi pru wa ai gaw na dat ai, Jahpawt n htoi htoi wa ai shaloi Sai Tawng Sai Ba ni ayai taw ai sha mu ai Moi mang hpe gaw kaga de lup makoi kau ai re lam na chye lu ai.

Ya aten Man Pinlung mare Jawng kawng kaw Myen hpyen dap ni shara jahkrat shamu shamawt nga ai re hte ndai lam hte seng nna mabyin mateng pru na matu yawng jawm shakut sa wa lu na matu ginra masha ni ra sharawng nga ma ai re hte Ndai shata laman Mung mare masha ni langai hpang langai Mat nna bai sagawawn yu yang moi mang hpe sha bai mu mu re ai mabyin ni byin nga ai lam re hpe mung na chye lu ai.

Leave a Reply

Your email address will not be published. Required fields are marked *