Magam Jinghku Hpung (3) kaw nna Ndau Laika Shapraw

Myen mung dingdung daw hte Rahkai mung ginra ni hta myen hpyen dap a htu shadut gasat gala majan baw nga ai lam yawng hpe shazim ya na matu Magam Jinghku hpung( 3) kaw nna August (12) ya shani n dau laika shapraw nna Myen hpyen dap hpe hpyi shawn ai lam na chye lu ai.

Myen hpyen dap kaw nna gap hkat jahkring na lam ndau da ai ladaw laman Jinghku magam hpung (3) shamu shamawt nga ai Rahkai mung ginra ni hta hpyen ladat myu hkum hte laja  lana gasat shamyit ai lam ni galaw nga ai re., Myen Hpyen Dap a hpyen tara tawt lai ai lam ni a majaw Rahkai mung na mungshawa tsa lam asak si sum sai rai nna, mun (6) jan gaw hpyen yen dabang ni hkan machyu taw nga ra ai re. Myen Hpyen Dap a htu shadut gasat gala majan a majaw majan byin ai shara ni lani hte lani grau grau dam lada wa ai lam ndau laika hta tang madun da ai kaw na chye lu ai.

Kokang hte Ta-ang ginra ni hta hpyen shamu shamawt lam amyu myu galaw nna hpyen masa shagyip shagyeng ai lam ni hpe dingyang galaw ai hte magam jinghku hpung ni dap jung shara ni hpe gap masat tawn nna 105 MM, 122 MM laknak kaba ni hte gap ai lam, dap shara makau hpyen shamu shamawt lam ni dingyang galaw wa ai re. August shata praw laman sha pyi ang katut gasat poi (10) lang jan byin sai. SSPP/SSA ginra ni hta mung Myen hpyen dap ni a shamu shamawt lam nga ai majaw gasat poi byin nga ai rai nna matut na mung byin na masa nga ai lam n dau laika hta tang madun da ai kaw na chye lu ai.

Myen Hpyen Dap a sat lawat amyu myu  a majaw lu tawn da sai myit makam ni grau yawm wa nhtawm simsa lam hpe hpang hkrat shangun nna majan grau htat wan a hpe myit tsang ai lam, myen mung dingdu daw hte Rahkai mung ginra ni hta byin nga ai htu shadut majan hpe lawan dik ai hku dawm jahkring kau ya na hpyi shawn ai hte majan hpe n jahkring ai sha naw matut nna gasat nga ai rai yang matut manoi byin wan a manghkang ni yawng gaw myen hpyen dap a lit rain a re ngu Magam Jinghku hpung (3) rai nga ai MNDAA, TNLA, AA ni kawn ndau laika shapraw da ai re hpe chye lu ai.

Leave a Reply

Your email address will not be published. Required fields are marked *