Laiza Kaw International Youth Day Lamang Galaw

Laiza muklum sinpraw majoi manau wang gawknu kaw August (12) ya shani jahpawt hkying (10) aten hta international youth day lamang galaw ai lam chye lu ai.

International Youth Day lamang hpe Laiza buga ramma komiti ni, KDG, H.P.A uhpung uhpawng ni hte Hpyen yen dabang kata hkan na ramma komiti ni pawng hpawm woi awn let, dai ni na ramma ni myithkrum lam lu na matu, shada hpaji jaw kasi madun lu na matu hte garum shingtau hkat lu na matu yaw shada nna galaw ai lam chye lu ai.

Lamang hta Sr. Nhpang Myet Awng kawn ramma  ni chye ging chye mai ai hpaji ni hpe matsing lu na matu  ga san ga htai lamang woi awn galaw ai rai nna ramma komiti ni gaw ginsup hpan amyu myu woi gin sup ai hte laiza muklum  ramma komiti ningbaw Sr.Lungpu Bawk Hkun kawn mung ramma ni hpe international youth day byin wa ai dai ni (20) ning hpring sai re, anhte ramma ni a matu mai kaja ai, bawng ring rawt jat wa mai ai magam bungli ni hte kaga hpaji ni hpe mung hka ja nhtawm kan bau bungli lata hpaji ni galaw sa wa let shada garan ginhka ai lam n nga ai sha shawng lam de lahkam sa wa ga nga nna n-gun jaw shatsam ga tsun ai.

Youth day lamang hta Laiza muklum, Woi Chyai, Je Yang, Hpun Lum  Yang hpyen yen dabang kata na ramma ni hte, Ja Htu Kawng, Mung Seng Yang, Laiza Lahta Tsang Jawng, Nawng E Hku Sasana Jawng ma ni  Masat Yang (13) Hpu-Awn Shalat Jawngma ni marai (500) jan sa du shang lawm ai re hpe mung chye lu ai.

Leave a Reply

Your email address will not be published. Required fields are marked *