Manmaw Ginwang Jarit Mayan Ramma Gawdin Shingjawng Lamang Galaw

Manmaw Ginwang Jarit mayan Ramma ni a lanam gawdin shingjawng lamang hpe August (13) ya shani kaw nna Nba Pa kaw hpaw poi lamang galaw ai lam na chye lu ai.

Gawdin shingjawng lamang galaw ai a yaw shada lam gaw hkam ja zet let ai ramma ni byin tai lu na matu hte nanghpam lu sha hpe koi yen lu ai ramma ni tai na matu hte buga shara shagu na ramma ni shada mahku mara ganawn mazum lu na matu hte ndai shingjawng lamang hta du wa na shaning hta Dima kaw galaw sa wa na rammma shawa sharin hpawng hta shingjawng sa wa na matu masha lata ai hku mung re lam ramma lithkam Sr Dumhpau Tu Myat tsun dan ai kaw na chye lu ai.

Shingjawng lamang hta Laiza buga, loi Je Buga, Hpak Gum buga, Gai Daw buga na ramma ni shang lawm shingjawng na re hte ninggang shagrau jaw ai lam nga na re lam ramma komiti ni shana wa ai kaw na chye lu ai.

 

Leave a Reply

Your email address will not be published. Required fields are marked *