Gasat Gala Majan A Majaw Mung Mare Masha Marai (3) Hkala Hkrum

Mungmyit Sinli Kuthkai, Huna mare lam Loi Pye mare na makau de gasat gala majan byin ai majaw Loi Pye mare na Hpu nau Balawng amyu sha marai masum Hkala hkrum mat ai lam na chye lu ai.
August (23) ya shana daw hta Loi Pye mare makau de gasat gala majan byin ai hta mare kata sinat kaba si hkrat wa ai majaw mung masha marai masum hkala hkrum ai re lam, Asak (60) daram re ai Gumgai gaw Garep kaw hkra nna, Asak (10) ning daram re ai Ma langai gaw Shingma kaw hkra ai hte Ma kawa gaw Tang Bau kaw Hkra hkala ai lam na chye lu ai. Ya aten Hkala hkrum ai mung masha marai (3) hpe Kut hkai Tsi rung kaw Garum ningtum hpung ni wa sa tawn da sai lam Buga masha langai tsun ai.
Loi gaw mare masha ni gaw mare kata kaw nga taw nga ai masha ni nan hkala hkrum ai lam nga ai re majaw mare kata n nga gwi nna Kut hkai de hprawng yen shang wa sai lam, ya aten Kut Hkai ginra na Hkyak HKyak garum ningtum hpung ni hte Nawku hpung ni kawn lit la nna woi zinlum nga ai lam na chye lu ai.

Leave a Reply

Your email address will not be published. Required fields are marked *