Rahkai Mung Kaw Lak Nak Kaba Mare De Hkrat Ai Majaw Mung masha Marai Masum Si Sum Mat

Rahkai mung Min Pya, Pan Myawng mare na mare masha dum nta langai kaw August (24) ya shani Myen hpyen dap gap dat ai lak nak kaba si wa hkrat kapaw bun ai majaw dai dum nta kata na masha hte makau kaw nga ai masha marai masum asak si sum mat ai hte marai (4) hkala hkrum ai lam chye lu ai.
Asak si sum mat ai hta asak (5) ning re ai ma, hte Tsang shi lung nga ai Num kasha mung lawm ai lam hkala hkrum ai marai mali mung ningma sawng ai majaw Myau U Tsi rung de sa da tawn sai lam ginra masha ni shiga dap ni de tsun da ai kaw chye lu ai.
Pan Myawng mare makau kaw AA hpyen hpung ni hte Myen hpyen dap ni Lai wa sai masum ya kaw nna gasat gala majan matut manoi byin ai hta Awng Mingala maga de shara jahkrat nga ai myen hpyen dap maga na Lak nak kaba ni gap bun ai majaw mare masha ni hkala hkrum ai re lam,dai shani hta sha Nam de Nga Tam sa ai kaw na wa ai Salang langai mung si nat gap hkrum ai lam,Rahkai mung ginra hta dai ning laman na gasat gala majan a majaw sinat gap hkrum ai lam, lak nak kaba hkra hkala ai lam, Bawm kapaw ai lam ni a majaw asak si sum mat ai mung mare masha marai 80 daram nga wa sai re hte hkala hkrum ai gaw marai 100 jan rai sai lam Rahkai shinggyim Uhpung Uhpawng ni tang madun da ai kaw chye lu ai.

Leave a Reply

Your email address will not be published. Required fields are marked *