Naushawng Deploment Institue Kawn Woi Nhtawm Promoting Social Cohesion For Peace Hte Seng Nna Bawngban Hpawng Galaw

Naushawng Deploment Institute (NDI) kawn woi awn galaw ai promoting Social Cohesion For peace hte seng ai bawngban hpawng hpe August (26) ya shani Myitkyina Cariel  Hotel kaw galaw ai lam chye lu ai.

Bawng ban hpawng galaw ai  gaw ya aten anhte ginra hta byin nga ai masa lam ni hpe gara masa hku galaw yang  awng dang na, amyu bawsang, akyang lai len,makam masham n bung ai ni arau shanu nga ai ginra hta Mung masa lam awng dang na matu gaw shinggyim nga sat nga sa lam ni bung pre ra ai,shada chye na hkat ra ai, ndai masa lam ni hpe mungchying Mungshawa ni chye na lu na matu yaw shada let galaw ai re lam Naushawng Deploment Institue na Saranum Kumba Roi Nu Tsun ai.

Ndai bawngban hpawng hta Shinggan kaw na machyoi ninghkring marai (4) hpe mung saw shaga da ai lam, Bukda makam masham na Hpunggyi kaba langai,U Kyaw Htwi, Sr Maran Jaw Gun,Dr Hkan Naw,Sr Hting Nan Htoi Awng ni woi bawngban ai re lam, ya na zawn ningmu jahpaw bawngban hpawng ni law law galaw yang she anhte ginra a masa lam ni hpe gara hku galaw sa wa yang she awng dang ai ngu ai ningmu ningnan ni mung lu wa na re nga nna  Saranum Kumba Roi Nu matut tsun  ai.

Ndai bawngban hpawng hta mung masa myit lawm ai ni, Shinggyim Wuhpung Wuhpawng magam bungli galaw nga ai ni hte Jawng Ma ni Yawng marai (80) jan sa du shang lawm bawngban shanglawm ai lam chye lu ai.

Leave a Reply

Your email address will not be published.