Myen Dap ni gap dat ai laknak si kaba mare ka-ang de wa hkrat ai majaw, Mung masha marai (5) si, marai (3) hkala.

Kutkai Muklum shinggan Muklum nnan lawk (8) kaw August (31) ya jahpawt 6:00Am aten hta TNLA hpyen hpung hte Myen Hpyen Dap Dapnu (99) ni gasat gala majan byin ai lam na chye lu ai.

Gasat gala majan hta Myen hpyen dap ni kaw nna, gap dat ai lanak kaba si Kutkai Muklum makau Maw Hik Hkanan mare Slg. Zahhkung Zau Bawk a Dum nta kaw wa hkrat ai majaw, Jan Hpaugun Htoi Ja asak (37), Zahkung Nang Mun Pan asak (14), Zahkung Zau Hkun Lat asak (10), Jan Lasham Lu San Aung asak (18), Lasham Seng Hkawn  shata (8) yawng marai (5) si, marai (3) hkala sawng ai lam na chye lu ai.

Hkala ai ni gaw Shy. Roi Bu, Shd. Bawk La hte Slg. Gyung Dau ni rai nna, hkala ai marai (3) hpe Lashio Mung shawa Tsi rung de htaw yu wa sai re. Ya na zawn Mung shawa ni Machyi hkrum ai lam gaw Myen hpyen Dap kaw nna laknak hpe hkrup mara gap ai majaw machyi hkrum ai re lam na chye lu ai.

 

Leave a Reply

Your email address will not be published. Required fields are marked *