NRPC hte Dingdung daw dap hpawm ni bawngban hpawng galaw ai ndau laika shapraw

Myen Asuya Simsa lam Dat kasa Hpung (NRPC) hte Dingdung daw dap hpawm ni rai nga ai KIO, PSLF, MNTJP hte ULA Hpung (4) ni Aug 31 ya shani Kengtong, Amazing Kengtong Resort hta hkrum zup hpawng galaw ai re lam na chye lu ai.

Hkurm zup hpawng hta ya aten byin nga ai majan ni hpe jahkring na matu hte Bilateral gap hkat jahkring myit hkrum ta masat ka lu hkra ngu ai yaw shada lam ni hpe madung bawngban ai re lam ndau laika hta ka da ai hpe mu chye lu ai.

Dap shara jahkrat na lam, majan nbyin hkra gara hku galaw sa wa na ngu ai rit kawp tara ni hpe myen hpyen dap dat kasa Hpung hte matut bawngban sa wa na matu myit hkrum da ai re hte Bilateral gap hkat jahkring ngut ai hpang mungdan ting gap hkat jahkring myit hkrum ga sadi laika pa (NCA) hte seng ai lawnglam hpe matut bawngban sa wa na matu mung myit hkrum da ai lam na chye lu ai.

NRPC hte Dingdung daw dap hpawm hpung (4) ni Bilateral gap hkat jahkring lam hte seng nna ya na lang hte rai yang (5) lang hkrum zup bawngban sai rai nna, hpang kalang bai galaw na hkrumzup bawngban hpawng hpe gaw Sep (16-17) ya hta galaw sa wa na hte gara shara kaw galaw na hpe gaw lahkawng maga bai jahkrup la na matu myit hkrum da sai lam ndau laika hta ka da ai.

Leave a Reply

Your email address will not be published. Required fields are marked *