Kutkai Muklum makau hta Myen Hpyen Dap ni Helicopter 2 hte sa gap

Kutkai Muklum makau Dung Sin mare hte Hwi Hkup mare ni hta September 2 ya shana daw hkying 4:45Pm aten daram hta Myen Hpyen Dap ni kawn Helicopter 2 hte wa gap ai lam nga ai re hpe na chye lu ai.

Kutkai Mukluk makau na Dung Sin mare hte Hwi Hkup mare ni hta gasat gala majan byin ai lam n-nga ai raitim Myen Hpyen Dap ni gaw mare kata Helicopter 2 hte sa gap ai rai nna mare kata na dum nta hte (Hpunggyi jawng) ni hpe gap hkra ai lam Salang langai tsun ai.

Mungmyit Sinli Ginra hta August shata laman hpyen gasat gala majan a majaw hpyen koi yen nga ai Mung masha marai 8,000 daram du nga sai re. Gasat gala majan a majaw n seng n ang ai Mung masha marai 11 si sum mat sai rai nna marai 25 hkala hkrum sai re lam UNOCHA Myammar kaw na mung ndau wa sai re hpe chye lu ai.

Ginra nkau ni hta gaw gasat gala ai lam zim wa sai majaw Mung mare masha ni hkrit tsang ai raitim Yi sun hkauna hte du sat yam nga majen ai majaw bai nhtang wa ai lam ni mung nga sai re hpe chye lu ai.

Kutkai Ginwang Ga Leng buga hta hpyen koi yen nga ai Mung shawa  ni mung September 2 ya shani tinang a dum nta de bai nhtang wa lu sai re hte dai buga ni gaw Pa Ju, Man Ai hte Lawmun Bang Gu ni re hpe chye lu ai.

Leave a Reply

Your email address will not be published. Required fields are marked *