Kengtung kaw NRPC hte hkrumzup bawngban sa ai KIO Dat Kasa Hpung ni bai du wa

KIO Ninggawn Amu Madu Sarakaba Kumhtat Hting Nan  woi awn ai KIO Dat Kasa Hpung ni gaw August shata 31 ya shani Kengtong Tachileik kaw Myen Auya NRPC ni hte hkrumzup bawngban la ngut nna September 4 ya shani KIO Ginjaw Laiza Muklum de angwi apyaw hte bai du wa sai re.

KIO Dat Kasa Hpung ni du wa ai hpe KIO Ginjaw Komiti, Ningbaw Malai Lat Du Daju Jum Sumlut Gun Maw hte rau Laiza kaw nga ang ai Ginjaw Komiti Salang ni, SMJH Salang ni, Nawku hpung Kanu Kawa Sara ni Padang Rung gawknu kaw hkaptau hkalum la sai re.

KIO Dat Kasa Ningbaw Sarakaba Kumhtat Hting Nan kawn hkrunlam sumtang ni tang madun ai. KIO Dat Kasa Hpung ni gaw zuphpawng hta myit hkrum da sai hte maren KIO Ginjaw Komiti a lam masan ya ai kata hkrumzup bawngban ai lam hpe matut nna galaw sa wa na re hpe mung chye lu ai.

Photo credit; NRPC

Leave a Reply

Your email address will not be published. Required fields are marked *