Wunpawng Ramma 2 hpe Htawng Dam jahkrat ai hte seng nna IDPs Mung shawa ni n-gun madun

September 2 ya shani Wunpawng Ramma Shadang Paw Lu hte Shayi Seng Nu Pan yan hpe Myen Hpyen Dap kawn tara jewat nna Htawng Dam nhtoi 15 ya jahkrat ai majaw IDPs Ramma hte Kanu kawa ni woi awn let September 5 ya shani Myitkyina muklum kaw shawa n-gun madun lamang galaw ai lam na chye lu ai.

“N-gun madun lamang hpe jahpawt daw ဗိုလ္ခ်ဳပ္ေၾကးရုပ္ shawng kaw galaw nhtawm, shana de Gat pa  kaw galaw ai re. IDPs Mung shawa ni a hkam sha lam hpe htawng madun lu na matu hte Freedom of Expression ngu hpe manu shadan na matu galaw ai re” nga nna Sara Nhkum La Nu tsun ai.

Lamang hta Waingmaw IDPs camp hte Myitkyina na IDPs camp 15 daram na Ramma ni, Kanu Kawa ni, Mungchying uhpung uhpawng na marai 300 daram sa du shanglawm ai hte 3 ya tup galaw sa wa na re hpe chye lu ai. Lamang galaw sa wa ai hta ဗိုလ္ခ်ဳပ္ေၾကးရုပ္ shawng, MPT ႐ုံးေထာင့္ hte Tara rung shingdu ni hta galaw na re hpe chye lu ai.

Ya aten Htawng jahkrat hkrum ai Shadang Paw Lu gaw September 2 ya shani Tara Agyi wa hpe joi jang jahten kumhpa jaw ai majaw Tara Agyi wa hku nna September 3 ya shani ပုဒ္မ (၂၂၈) hte ahkyak la ya na matu tara rung de shawk shawn da ai re hpe mung chye lu ai.

photo credit; mknjn

Leave a Reply

Your email address will not be published. Required fields are marked *