KBC Ningbaw Rev. Dr. Hkalam Sam Son hpe shawk shawn da ai amu Myen Hpyen Dap kawn bai dawm

Sara kaba Rev. Dr. Hkalam Sam Son hpe M.P.Hk na ဒုဗိုလ္မွဴးၾကီး သန္းထိုက္ kawn August 26 ya shani Myitkyina Tara Rung kaw amu shawk shawn da hpe September 9 ya shani amu shawk shawn wa nan tara shang dawm kau ya na matu Tara Rung de tsun wa ai majaw dawm jahkring kau sai lam na chye lu ai.

Myen Hpyen Dap, Dap Up Daju Min Aung Hlaing kaw nna mung Sara kaba hte seng nna amu hpaw da ai hpe dawm kau na re lam PCG kaw nna shana wa ai lam nga ai re hpe mung chye lu ai.

Ya na zawn amu hpe dawm jahkring ya ai hta “Anhte maga hku gaw hpyi nyem, lajin ai lam ni gaw n nga ai, rai tim shanhte hku na Mung shawa, Hpung shawa ni hpe loi mi tsang ai lam lawm na re ngu mu mada ai hte grau nna gaw ya aten Shanglawt hte shaga nga ai daw ni mung nga ai majaw dawm la kau ai re ngu nna maram masam lu ai” nga nna Sara kaba Rev. Dr. Hkalam Sam Son tsun dan ai.

Rev. Dr. Hkalam Sam Son gaw lai wa sai July 17 ya shani American Gumsan Magam Donald Trump the hkrum shaga ai hta Myen Mung hta byin nga ai masa lam ni, nawku makam masham lam hta wanglu wanglang galaw lu na matu lu ging lu ang ai ahkaw ahkang hkrat sum nga ai lam ni hpe madung tsun jahta ai lam ni a majaw ahkyak la hkrum ai re hpe chye lu ai.

Photo credit; mknjn

Leave a Reply

Your email address will not be published. Required fields are marked *