IDPs Mung shawa ni n-gun madun ai kaw woi awn ai ningbaw 2 a amu hpe gumhpraw dam hte shangut

IDPs camp na ramma, kanu kawa ni nhtoi 3 ya tup n-gun madun ai hta woi awn ai ningbaw 2 hpe September 5 ya shani Myitkyina Masat 2 Balik Dap kawn ျငိမ္းစုစီ ပုဒ္မ ၂၀ hte amu hpaw da ai rai nna September 9 ya shani mung ပုဒ္မ ၂၀ hte bai kahtap ahkyak la ai majaw September 10 shani Tara Rung shapraw ai hpe gumhpraw dam yawng Mun mali (40,000 Ks) hte shangut kau sai lam na chye lu ai.

September 9 ya shani n-gun madun lamang hta Yangon kaw na sa du shanglawm ai ramma ni gaw Rev. Dr. Hkalam Sam Son a amu hte seng nna wa madat shanglawm na matu sa du ai rai tim shanhte du wa ai shaloi amu ngut mat ai majaw n-gun madun ai kaw shanglawm ai hta shanhte hpun sa ai T-Shirt kaw လြတ္လပ္စြာေျပာဆိုခြင့္ ကို ဖိႏွိပ္ေသာ စစ္တပ္၏ အမွဳဖြင့္အေရးယူမွဳမ်ားကို ျပင္းထန္စြာ ကန္႔ကြက္ရွံဳ႕ခ်ၾက Ngu ai laika shakap da ai hpe raw kau shangun ai re. N-gun madun shanglawm ai Yangon na ramma ni gaw dai T-Shirt hpe nraw ai sha shanglawm ai majaw woi awn ai Shadang Nhkum La Nu hte Sara Malang Hka Mai yan hpe ပုဒ္မ ၂၀ hte kahtap ahkyak la re hpe chye lu ai.

“Ndai zawn maga mi hku nna sha ahkyak la ya ai gaw dip sha mayu ai kumla langai hku mu mada ai, tara rap ra ai lam n nga ai” nga nna ahkyak la hkrum ai Nhkum La Nu tsun dan ai.

N-gun madun woi awn ai ningbaw yang aw lai wa sai June 9 ya shani hpyen yen ladaw 8 ning hpring masat nhtoi shani Street Perfomence galaw ai hta woi awn ai Shadang Paw Lu hte Shayi Seng Nu Pan ya hpe htawng dam nhtoi 15 ya jahkrat ai majaw IDPs Mung shawa ni n-gun madun ai hpe woi awn ai majaw ahkyak la hkrum ai re hpe chye lu ai.

Photo; credit

Leave a Reply

Your email address will not be published. Required fields are marked *