FFM A Bungli Lamang Ni Hpe IIMM Kawn Matut Galaw Sa wa Na

Myen mungdan kaw byin nga ai shinggyim ahkaw ahkang manghkang ni hte seng nna FFM a (2) ning laman tam sawk shagawn da lu sai lawng lam ni hpe matut hkrang shapraw sa wa na matu IIMM lata de ap ya sai lam na chye lu ai.

IIMM hpung hku nna Myen mungdan kaw laja lana shinggyim ahkaw ahkang tawt lai ai lam hpe mungdan shagu na Tara upadi hte maren amu hpaw jep joi sa wa ai hta tara tawt lai ai ni hpe ahkyak la lu na matu atsam htum shakut sa wa na nga nna, IIMM hpung ningbaw Nicholas Koumjian kawn (42) lang na UN shinggyim ahkaw ahkang kongsi zuphpawng hta tsun da ai lam na chye lu ai.

Du na shata laman hta seng ang ai mungdan ni de sa du na rai nna, asuya hte hkrumzup bawngban na re hte zingri zingrat dip sha hkrum ai majaw hprawng yen wa ai ni, shinggyim ahkaw ahkang uhpung uhpawng ni hte hkrumzup nna IIMM hpung a galaw lu ai ahkaw ahkang ni hpe tsun sang lang dan nna, dai ni a hpaji jaw ai lam ni hpe mung madat ya na re lam Nicholas Koumjian tsun da ai.

Myen mungdan kata byin lai wa ai hpang jahtum mabyin masa ni, manghkang byin nga ai ten shinggyim ahkaw ahkang tawt lai ai lam ni hte seng nna lawng lam azin ayang hpe mung Sepember (17)  ya shani shinggyim ahkaw ahkang kongsi hta ndau na re hte FFM hpung ningbaw မာဇူကီဒါရုစမဲန္နဲ ့ hte hpung shang ni rai nga ai ရာဒီကာ ကုမာရဆြာမိ hte ခရစၥတိုဖာဆီဒိုတီ marai 3 a shi sang lang hpawng hpe mung galaw na re lam na chye lu ai.

Myen mung asuya gaw FFM hpung hpe masat masa n galaw da ai rai nna, FFM a bungli lamang ni hpe matut galaw sa wa na IIMM hpung hpe mung masat masa n galaw ai re. IIMM a bungli lamang ni hte seng nna mung gindun shang lawm ai lam galaw na n re nga nna shiga ni hta tang madun da ai kaw na chye lu ai.                  

Leave a Reply

Your email address will not be published. Required fields are marked *