KBC Ningbaw Ningla ni hte Myen Hpyen Dap, Dap Awn Daju Min Aung Hlaing hkrum shaga

Myen hpyen Dap a Dap Awn Daju Senior General Min Aung Hlaing hte KBC ningbaw ningla ni September 12 ya shana de Mandalay Hkawhkam Wang kaw hkying hkum 2 daram hkrum shaga ai lam na chye lu ai.

Lahkawng maga hkrum shaga ai lam hta KBC Ningbaw Rev. Dr. Hkalam Samson hku nna shi hpe tara shawk da ai lam dawm kau ya ai majaw kabu ai lam, Mungdan kata sha n-ga Maigan Mungdan na Kachin amyu sha ni yawng kabu hkap tau la ai rai nna International Wuhpung ni, Mungkan Nawku hpung ni yawng kabu gara hkap tau ai, Tara jewat ai lam hpe dawm kau ai gaw Hpyen Dap a galai shai ai lam hpe Mungkan kaw nna ta tut mu lu ai, Hpyen Dap gaw myit galu kaba hkam sharang let, Mung shawa ni a madi shadaw ai hpe lu la  ra ai lam ni Namhkam kaw nga ai Sara kaba Dr. Ola Hanson a nta hpe bai lu la yang Kachin ni grai kabu na re, Bilateral lawan htu nna IDPs Camp ni yawng wa na lam galaw yang simsa lam hpe lawan lu na re ngu myit mada ai hte Makam masham hta garan ai lam hte seng nna ningmu shai na re ngu ai lam ni hpe tsun shaga ai re hpe chye lu ai.

Myen Hpyen Dap a Dap Awn Daju Senior General Min Aung Hlaing hku nna mung Rev. Dr. Hkalam Samson tara shawk shawn hkrum ai hpe dawm kau sai lam, Simsa lam hpe lawan jawm galaw ra ai lam, Makam masham hpng ni hpe zingri zingrat n-nga ai lam, IDPs Camp ni bai wa na hpe lawan galaw ra ai lam, Munghpawm grin nga ra ai lam, Shi gaw maga mi de sha shanang ai masha nre lam hte တပ္မေတာ္မူ (၆)ခ်က္ gaw Simsa lam kaja wa ra yang mai jahkrup ai lam ni tsun ai rai nna hpang kalang bai hkrum na myit mada ai lam ni hpe tsun ai hpe KBC Kachin kaw na chye lu ai.

Mandalay Hkawhkam Wang kaw Myen Hpyen Dap a Dap Awn Daju Senior General Min Aung Hlaing hte hkrum shaga ai hta KBC Ningbaw Rev. Dr. Hkalam Samson, KBC Amu madu Rev. Hpauyawng Tu Mai, KBC HDD Hpa-Awn Sara Hpauyam Hka Li, Salang Lamai Gum Ja (PCG) hte Salang Hkapra Hkun Awng (PCG) ni sa du hkrum shaga ai re hpe mu chye lu ai.

 

Photo Credit; KBC Kachin

Leave a Reply

Your email address will not be published. Required fields are marked *