Mai Ja Yang Institude Of Education Jawng kaw Laili Laika hkaw tsun hpawng galaw

Mai Ja Yang Amyusha Hpaji Dakasu (Institude Of Education) Jawng kaw September 14 ya shani galaw ai Laili Laika hkaw tsun hpawng hta Sinpraw Ginwang Ginjaw kata nga ai Magam Dap Hpu-Awn daw ni, Hpaji jawng magam gun Sara/Saranum ni, MJY kata na Dakasu jawngma ni, Mare kahtawng de na Kanu, Kawa ni hte Shinggyim Nauna Garum ntum Wuhpung Wuhpawng magam gun ni shanglawm ai hte galaw la lu ai lam na chye lu ai.

Laili laika hkaw tsun hpawng hpe Insitude Of Education Jawng Litrarure Team kawn woi awn galaw ai rai nna hkaw tsun hpawng hta Myitkyina kaw na du sa ai Sara kaba Kareng Bawm Awn hte Sara kaba Sar Mu Yi kaw nna hkaw tsun ai re hpe na chye lu ai.

Hkaw tsun hpawng hta Laili Laika hti hkaja ai majaw lu la ai akyu ni sha n-ga kaga shinggan machye machyang ni rai nga ai ya yang na anhte a makau grupyin masa, anhte a mungkan kaning rai hten za nga ai lam, gara hku makawp maga na lam hpe chye la lu na matu hkaw tsun ai lam ni rai nna anhte a wuhpung wuhpawng grau nna ngwi pyaw rawt jat lam lu na matu yaw shada ai hte hkaw tsun hpawng hpe galaw ai re lam Ningtau Jawng Up Saranum kaba Lasang Htu Hkawng tsun ai kaw na chye lu ai.

Laili Laika hkaw tsun hpawng lamang hpe dai ning na jawng lung ladaw hta 2 lang woi awn galaw lu na matu myit yaw shada da ai lam nga ai rai nna ya galaw ai hkaw tsun hpawng gaw dai ning na jawng lung ladaw hta shawng nnan galaw ai re hpe mung chye lu ai.

Leave a Reply

Your email address will not be published. Required fields are marked *