Mung masha langai Hkam Bawm kabye kapaw hkrum

Mungmyit Sinli Ga, Kutkai Ginwang, Mawhan mare hte Den Hing mare makau Bum kaw September 16 ya jahpawt hkying 9:00 aten daram hta Mawhan mare masha langai hkam bawm kabye kapaw hkala hkrum ai lam na chye lu ai.

Bawm kabye kapaw hkrum ai wa gaw Mawhan mare kaw nga ai Jan Lasham Sham Ban a kasha shadang Shatau Lagun rai nna shi gaw jahpawt dum nta kaw nna Nam de si mai tam sa ai kaw kabye hkrup ai re lam Mawhan buga masha langai tsun ai. Machyi hkala hkrum ai shadang Shatau Lagun hpe Mawhan mare tsi gawk kaw nmai tsi mat sai majaw Kuthkai mung shawa tsi rung kaw tsi tsi nga ai lam chye lu ai.

September 14 ya shani kaw nna Myen hpen Dap ni gaw TNLA ni Dap shara jahkrat nga ai de nbungli, laknak kaba hte hpyen n-gun law lang nna htu shadut htim gasat nga ai majaw Mung shawa 1000 mi daram hpyen koi yen nga ai hpe mung na chye lu ai.

Leave a Reply

Your email address will not be published. Required fields are marked *