Shangai Chyinghkai ( MID-WIFE ) tsi jawngma hkapla hpang nga sai

Wunpawng Mungdan Shanglawt Asuya, Ginjaw Hkamja Dap kaw na shalat sharin nga ai Mungshawa Tsi Jawng kaw Masat Yan (9) Shangai Chyinghkai (MID-WIFE) hpaji sharin jawngma nnan ni hpe bai hkap la hpang nga sai lam Ginjaw Hkamja Dap kaw na chye lu ai.

Shangai Chyinghkai (MID-WIFE) hpaji sharin na matu Ginwang Ginjaw shagu de na jawngma ni marai (30) jan du magang nga sai re. Shangai Chyinghkai hpaji hpe myit lawm ai Shadang La Sha ni hpe mung hkap la ai re hpe chye lu ai.

Ndai laman gaw shani shagu jawngma ni du wa nga dingyang re, September 28 ya shani Jawng hpaw hpawng galaw nna October shata praw kaw na sharin hpang na hpe mung chye lu ai.

Mungshawa Tsi Jawng kaw Nursing Diploma jawng hte Shangai Chyinghkai Mid-Wife jawng hpe Masat Yan langai hpang langai matut manoi hpaw sharin shalat nga dingyang rai nga ai hta ya lung dingyang rai nga ai Masat Yan (8) Mid- Wife jawng yu hpawng hpe, Masat Yan (9) jawng hpaw hpawng hta kapyawn nna galaw sa wa na re hpe mung matut na chye lu ga ai.

Leave a Reply

Your email address will not be published. Required fields are marked *