Keng Tung kaw galaw ai NRPC hte Dingdung Daw Daphpawm, hkrumzup bawngban hpawng galaw

Myen Mung Asuya a Simsa lam tam hpung NRPC hte Dingdung Daw Daphpawm hpyen hpung 4 kaw na Dat Kasa Salang ni September 17 ya shani Sam Mung Keng Tung mare na Amazing Keng Tung Resort Hotel kaw hkrumzup bawngban hpawng galaw ai lam chye lu ai.

Bawngban ai hta gap hkat jahkring lam Bilateral Ceasefire Agreement lakmat htu na hte seng ai lam, Hpyen yen Mung shawa ni hte seng ai lam, gasat gala majan n byin hkra lahkawng maga hkan sa na lam, lahkawng maga myit makam nga hkra gawgap ai lam, NCA mahkrun hpe matut bawngban jahkrup galaw sa wa na lam ni rai nhtawm ndai lam hte seng ai hpe du wa na October shata hta matut hkrumzup bawngban na matu myit hkrum da ai lam na chye lu ga ai.

Hkrumzup hpawng hta KIO Dat Kasa Salang marai 4, PSLF Dat Kasa Salang marai 3, MNTJP Dat Kasa Salang marai 3, ULA Dat Kasa Salang marai 3 hte NRPC Dat Kasa Salang ni marai 11, yawng marai (24) bawngban shanglawm ai re hpe  chye lu ai.

Leave a Reply

Your email address will not be published. Required fields are marked *