Deng (3) Lamu Ga Manghkang Hte Seng Nna Naw Jep Joi Nga Dingyang Rai Nga

Manmaw,Deng (3) na lamu ga manghkang hte seng ai hpe jep joi ding yang naw rai nga ai hta Lamu ga madu mungshawa nkau mi gaw hpyendap hte byin ai amu manghkang re majaw htingra hpe asum hkam kau ai ni nga ai raitim Sr.Jangma Tu Mai nta masha ni gaw Dai amu hpe naw matut hkan nga ding yang rai nga ai lam na chye lu ai.
Ndai lamu ga manghkang gaw tinang a lamu ga htingra hpe wa hkyen jasan ai kaw Manmaw Dap jung Masat (5) Set Toi Ye ဆက္သြယ္ေရးMyen hpyendap ni kawn shanhte a hpyendap wang shara kaw lamu ga tawt lai ya ai nga nna, lai wa sai January shata kawn Pukma (447), Pukma (61) hte Tara soi tawn da ai lam re.
Ndai lam hpe lawan hparan jasan la lu na matu Tara Shawk shawn da hkrum ai mungshawa ni kaw nna mahkrun tam ai raitim shanhte maga de tsap ya na Tara Kasa nlu ai majaw htingra hpe asum hkam kau ai re nga nna Lamu ga manghkang byin hkrum ai mungshawa ni tsun ai kaw na chye lu ai.
Sr Jangma Tu Mai nta masha ni mung tinang a nta wang htingra hpe bai lu na myit mada let ndai amu hpe hkan nga dingyang, jep joi hkam ding yang rai nga ai hta du wa na September (30) ya shani shanhte a sakse ni hpe bai jep joi ai lam galaw na re hpe Nta masha ni tsun ai kaw na chye lu ai.
Ndai lamu ga manghkang byin ai laman, amu jep joi nga ding yang kaw Masat 5 Set Toi Ye ဆက္သြယ္ေရး Myen hpyen dap ni kawn manghkang byin ai lamu ga ni hpe wut nhpan kum masat la ai lam mung nga ai re hpe chye lu ai.

Leave a Reply

Your email address will not be published. Required fields are marked *