Masat yan (8) Mid Wife jawng yu hpawng galaw

Ginjaw Mungshawa Tsi Jawng kaw hpaw sharin nga ai Masat Yan (8) Shangai Chyinghkai Hpaji (Mid Wife) Jawng yu hpawng lamang hpe September 28 ya shani Ginjaw Hkamja Dap kaw galaw la lu sai lam chye lu ai.

Ndai Masat Yan (8) Jawng hpe Jawngma yawng marai (54) hte hpaw sharin hpang ai rai nna sharin ai ladaw laning mi shata shi hpaw sharin ai rai nna Jawng yu ai jawngma yawng marai 49 re lam Tsi Jawng Up tang madun ai kaw na chye lu ai.

Jawng yu wa ai jawngma ni hpe Ginjaw Hkamja Dap Ningtau Lithkam Du kaba Seng Hkum kaw nna Shatsam Mungga jaw ai hta “Ndai jawng kaw sharin ya dat ai Shangai chyinghkai hpaji hta ningpawt shatai nna shangai chyinghkai ya ai magam bungli lam hta apnawng dawjau sa wa na lam, Gawngkya ai lam ni a majaw Ma langai a pra sa wa ai lam hpe dingbai dingna jaw ai lam nbyin hkra magam bungli hpe gun hpai sa wa ra ai” nga nna shatsam mungga jaw ai ai re.

Jawng yu hpawng hta KIO Ningtau Ninggawn Amu Madu Salang kaba Labang Doi Pyi Sa kaw nna mung Shatsam Mungga jaw ya ai rai nna KIC Ningtau Amu Madu Du kaba Hpauna Gum San Seng, Magam Dap, Makan Dap shagu na Myit su Du Salang ni hte Jawngma ni a Kanu Kawa ni sa du shanglawm ai re hpe chye lu ai.

Ya aten Ginjaw Hkamja Dap hta Nursing Diploma Jawng hpe naw hpaw sharin nga ding yang rai nna Masat yan (9) Mid Wife Tsi jawng hpe October praw 1 ya shani bai hpaw hpang na matu hkyen shajin nga ai hpe mung chye lu ai.

Leave a Reply

Your email address will not be published. Required fields are marked *