Sinpraw Majoi Hkunghkring Shingni Hpung hpyen hprim ningpawt ninghpang jawng yu hpawng lamang galaw

Sinpraw Majoi Htunghkring Shingni hpyen hprim yu ai lamang hpe October 1 ya jahpawt hkying 7:00 aten hta Sinpraw Majoi Manau Wang Gawknu kaw galaw ai re.

Hpyen hprim ningpawt ninghpang hpe sharin ai lam gaw madat mara ai hte ripkawp tara hpe chye hkungga ai ni tai wa lu na matu hte grau nna myit hkrum mang rum ai shayi shadang sha ni tai wa na matu hte woi-awn sa wa ai lam hta loi na matu re nga nna Gin Jaw Htunghking Hte Laili Laika Sawk Gin Makan Dap Matsun Du Saranum kaba Nding Tawng Ra tsun ai.

Sinpraw Majoi Hkunghkring Shingni lamang hta ya hkyak hkyak na sharin sara ni gaw Htunghking Hte Laili Laika Lithkam Salang kaba Chyana Zau Awn, Saranum Majap Seng Hkawn, Saranum Lazing Lu Awng hte Saranum Ja Seng Brim ni sharin ai rai nna sharin gin hpan ni gaw Ninggawn Mung Masa ningmu jahpaw ai lam, Mung masa mahkawn, Music hpaji, shingni ka hkarang hte Miwa ga ni hpe sharin ai rai re hte sharin hkam la nga ai wunkat ma ni yawng marai 38 re lam chye lu ai.

Sinpraw Majoi Htunghkring Shingni sharin lamang hpe lai wa sai August 2 ya shani kaw nna hpaw hpang ai rai nna, ndai sharin lamang hpe 3 ning sharin sa wa na re hpe chye lu ai.

Leave a Reply

Your email address will not be published. Required fields are marked *