Namsung mare na amyu shayi langai adup sat hkrum ai a mu hte seng nna Myen Hpyen Dap kawn mare masha ni hpe san jep

Lai wa sai July 4 ya jahpawt Sam Mung Kuthkai ginwang Namhpakka buga Nam Sung mare na Wunpawng amyu shayi Jan Nang Htang adup sat hkrum ai a amu hte seng nna Myen Hpyen Dap kawn mare masha ni hpe shaga jep joi ai lam galaw ai hpe chye lu ai.

“Jan Nang Htang hpe kadai sat kau ai ngu ai hpe ya du hkra tup hkrak n chye lu shi ai. Myen Hpyen Dap kawn ya na zawn shaga jep ai lam galaw ai gaw lahkawng lang rai sai. Lai wa sai July shata hta mung Jan Nang Htang a moi mang htaw wa ai Salang ni hte nta masha ni hpe san jep ai lam galaw sai re. Ndai kalang gaw shinggyim ahkaw ahkang hpung ni laika wa ai majaw Sinli ဗ်ဴဟာမူး gaw Jan Nang Htang a amu hte seng ai hpe ခံုရံုး kaw san jep ai lam re hte Myen Hpyen Dap ni galaw ai rai n rai kata lam chye mayu majaw san jep ai re nga nna Myen Hpyen Dap tsun ai lam nga ai nga nna” Namhpakka mare na  Sara Maran La Nau tsun dan ai.

Jan Nang Htang a amu hte seng nna Yangon kaw galaw ai shi sanglang hpawng hta shinggyim ahkaw ahkang hpung ni hpang de Sam Mung ginwang Htunghking Hte Lailai Laika Magam Dap ni hte dingdung daw na uhpung uhpawng law law kawn laika bang wa ai majaw ya aten shinggyim ahkaw ahkang hpung ni ahkyak la ya ai hte Myen Hpyen Dap de laika bang dat ai majaw ya na zawn Myen Hpyen Dap kaw nna manghkang a mabyin npawt hpe chye lu na matu hpe kalang bai shaga  jep ai re hpe mung chye lu ai.

Leave a Reply

Your email address will not be published. Required fields are marked *