Putao Ginwang Mung Shawa Tsi Rung kaw Belgium Mungdan na Ga Kadoi Sarawun ni manu jahpu n la ai sha tsi tsi lajang ya nga

Jinghpaw Mung Putao Ginwang Mung Shawa Tsi Rung kaw Belgium Mungdan na Dr. Oatrick Tonnard woi awn ai Ga Kadoi Tsi Sarawun marai (12) hte Myen Mung na Tsi Sarawun marai (6) kawn October shata (6) ya shani kaw nna (11) ya shani du hkra machyi masha ni hpe manu jahpu n la ai sha tsi gawn lajang ya na re hpe ginra masha, shana wa ai kaw na chye lu ai.

Machyi masha ni hpe ga kadoi lajang lu na matu ထူး Foundation hte Medical Action Myanmar, Red Cross hte Ginwang Hkamja Rung ni kawn madung lit la garum ya ai re hte jahpawt hkying (10) kaw na shana hkying (4) du hkra Ladi ga ai ni, Yuhkraw ga ai ni, Myiman kaw wan hkru ningma nga ai ni, Dusat a majaw byin ai ningma, Wa (သြား) hte seng ai ana hte accident a majaw byin ai ningma ni hpe manu jahpu n la ai sha ga kadoi ya nga sai lam na chye lu ga ai.

Ga kadoi ngut sai machyi masha ni hpe mung seng ang ai Muklum Uphkang Du, Ginwang Tsi Rung Up ni hte ထူး Foundation na lit nga ai Salang ni kawn matut nna ra mara lam hta gawn lajang sa wa na re hpe chye lu ai.

credit; Putao news

Leave a Reply

Your email address will not be published. Required fields are marked *