Hpung Pati Ga Shaka (Oath) hkam la hpawng galaw

Wunpawng Mungdan Shanglawt Hpung, Mung Chying Magam Dap Pati Komiti kaw nna woi awn nhtawm October (22) ya shani Ginjaw Hkamja Dap Gawknu kaw Wunpawng Mungdan Shanglawt Hpung Shang masha majing PF nnan ni a Ga Shaka (Oath) hkamla ai hpawng galaw ai re.

Ga Shaka hkamla hpawng hta Wunpawng Mungdan Shanglawt Hpung Pati shang masha ni hkan sa ra ai magam lit hte seng nna Ginjaw Hkamja Dap Pati Lakung Tingnyang Up Salang Kadang Manau Tu Awng kaw nna woi hkaja ai hta “Madu majing ni rai saga ai re majaw Myu sha magam bungli hta kaga masha hta dawn jan nna hkam sharang ai myit hte galaw gunhpai ra ai” nga nna tsun shatsam ai.

Mungchying Magam Dap Pati Komiti Amu Madu Salang Maran Awng Gun  kaw nna mung Ga Shaka hkamla ai Hpung Shang Masha Majing (PF) nnan ni hpe Ga Shaka jaw ya nna, Pati shang masha ni hta nga ra ai myit jasat hte Myu sha ni hpe lam woi awn ningbaw lu ai atsam nga ra ai nga nna shatsam mungga jaw ai.

Ga Shaka hkam la ai Wunpawng Mungdan Shanglawt Hpung Mungchying Magam Dap Pati Komiti kata na Hpung Shang Masha Majing PF ni yawng  marai 44 tup re hpe chye lu ai.

Leave a Reply

Your email address will not be published. Required fields are marked *