Myitkina kaw hpen yen Kanu num ni galaw shapraw ai gun rai dut lamang galaw na

Htoi Gendar and Development Foundation ni kaw nna woi awn nhtawm hpye yen dabang  kata nga ai Kanu num ni hte buga masha ni galaw shapraw ai gun rai ni hpe dut ginlen ai lamang hpe November (5) ya shani Myitkyina Shatapru Manau wang  Majoi Gawk nu kaw galaw na lam chye lu ai.

Ndai gun rai dut ginlen shapraw ai lamang hta madung  hku nna Kawa hte galaw ai gun rai, Ri hte galaw ai gun rai, Jinghpaw Htunghking  rida maka gun rai, shingra lu sha ni hte kaga gun rai hpan (30) daram dut na re lam na chye lu ai.

IDPs kaw nga ai Kanu num ni galaw shapraw ai gun rai  ni hpe gat lawk kata de nlu shapraw ai hte gat lawk kata hta shapraw da ai gun rai ni hpe mung kadai nau nchye ai majaw  masha ni law chye wa na matu yaw shada let  galaw ai re lam  Htoi Gendar and Development Foundation kaw  na Sara Lase Seng Awng tsun ai.

Gat dut lamang hta Myu shayi hte gat lawk, Myu shayi hte rawt jat lam, Myu shayi hte bungli ahkaw ahkang ngu ai ga baw ni hte hkaw tsun ai lam hte Myen Mung Asuya kaw nna woi awn galaw nga ai Jak rung kaji hte seng nna woi galaw ya ai lam hta gara hku ahkaw ahkang nga ai lam ni hpe hkaw tsun ai lam ni mung galaw na re hpe chye lu ai .

Myitkyina, Waingmaw, Laiza, MaijaYang kaw nga ai hpyen yen ni hte buga masha ni sa du shanglawm na re hte Jinghpaw Mung kata nga ai NGO hte  CSO u hpung ni mung sa du nhtawm  gun rai hta ra rawng gawng kya ai lam ni hpe hpaji jaw tsun sanglang na hte tatut magam bung li galaw sa wa ai lam hta arang n lu ai mayak hpe Asuya hte hkoi shap ai ladat hpaji jaw lamang ni galaw na re hpe chye lu ai.

Photo credit; HGDF’fb

Leave a Reply

Your email address will not be published. Required fields are marked *