Putao Kaw KSPP ramma hkrumzup hpwng hte komiti hpaw shabawn hpawng galaw na

Putao kaw KSPP ramma hkrumzup hpawng hte ramma komiti hpaw shabawn lam hpe November 15- 20 ya laman galaw na lam KSPP kaw na chye lu ai.

KSPP a Ramma Magam Dap hpe gaiwang 18 hta hpaw ninghtan sa wa na matu yaw sing da ai hte maren Putao kaw mung hpaw ninghtan ai re hte Ramma ni Mung masa hpaji grau kung kyang wa nna Mung masa galai shai wa ai hta shang lawm sa wa lu na matu yaw shada nna galaw ai re lam chye lu ai.

“Anhte a ginra hta Asuya a uphkang ladat kaw byin mai ai made anhte a ahkaw ahkang hpe magra la na matu n-gun rawng ra ai ngu hkam la ai majaw Kachin ramma ni shanglawm wa ai re hte KSPP party rung hpe myo mare shagu hta hpaw ninghtan da lu sai re. Matut nna shara 2 kaw sha hpaw ninghtan ra ai” nga nna KSPP party ningbaw Dr. Manam Tu Ja tsun ai.

KSPP party rung ni hpe Jinghpaw Mung ginra law law hta hpaw ninghtan da lu ai hpang KSPP party a hkrumra zuphpawng kaba hpe galaw sa wa na masing mung nga ai hpe chye lu ai.

Photo; KSPP

Leave a Reply

Your email address will not be published. Required fields are marked *