Mungmyik Sinli,Nam Sa mare makau kaw gasat gala majan byin

Mungmyit Sinli, Kutkai Ginwang Nam Sa mare makau kaw November (4) ya shani, hking (11:15) atem hta, TNLA,MNDAA hpyen hpung ni hte, Myen Hpyen Dap Dapnu (99) na, hpyen hpung ni gasat gala majan byin ai lam na chye lu ai.

Panglung mare maga kaw nna, rawt wa ai Myen  hpyen Dap, Dapnu (99) kata na hpyen n-gun (80) daram hte TNLA hpyen hpung ni Hka Lum ntsa kaw gasat gala majan byin nna, shana maga hkying (3:10) aten hta mung Nam Sa Lagat hpun kawng kaw MNDAA hpyen hpung ni hkap shing la gasat ai re lam buga na salang langai tsun shana ai.

Lai wa sai November (3) ya shani hta mung KIA Masat (6) Dap Ba, masat (38) Dap Nawng Dap Dung Ginra, Munggu Puwang mare Nawku jawng kawng kaw Myen hpyen Dap, Dapnu (99) kata na hpyen hpung ni hte TNLA hpyen hpung ni gasat gala mahan byin ai re lam chye lu ai.

Leave a Reply

Your email address will not be published. Required fields are marked *