KBC YOUTH LEDERSHIP CONFERENCE GALAW

KBC Ramma Magam Dap kaw nna, woi awn galaw ai “Buga Ramma Hpaawn ni a Hkrumzup Sharin Hpawng”  hpe Htingnai Ginwang Nawng Ing Buga  hta November praw (5) ya shani kaw na galaw nga ai lam chye lu  ai.

Buga Ramma Hpa-awn ni a hkrumzup hpawng hpe laning mi hta kalang KBC Ramma Magam Dap kaw na woi awn galaw nga ai hta Daining na sharin hpawng hpe “Ngai Nga Nga Nngai, Ngai Hpe Shangun Dat e” ngu ai ga baw kata sharin hpawng hpe galaw ai rai nna November praw (6) ya shani hta Sharin hpawng ga baw hpe MIT kaw na Sharin sara Rev Lagai Zau Nan kaw na sharin hka ja woi ai lam chye lu ai.

November praw (7) ya shani hta gaw “Mayak Manghkang Kata na woi awn jasat maka” ngu ai ga baw hte Matut nna  sharin hka ja ai lam nga na rai nhtawm Nawng Ing ginra a lam hpe pru hkawm hka ja ai lam nga na re hpe chye lu ai.

Buga Ramma Hpu-awn ni shada hkrumzup let Karai mungga hpe jawm hkaja nhtawm, Anhte a shawnglam maka hpe jawm myitmang lu na matu Shada grau nna, hkuhkau mahkri shawn ai lam lu na matu ndai hkrumzup sharin hpawng hpe woi awn galaw nga ai rai nna, Daining na Hkrumzup hpawng hpe Nawng Ing Buga hta galaw ai lam gaw Mungkan hta manu dan ai shing-ra sut gan jahpan shang Indaw Nawng nga ai Ginra anhte a buga ginra hpe madu myit hte grau nna manu shadan makawp maga chye na matu mung yaw shada ai re lam Htingnai Ginwang Ramma Hpuawn Sr Lahpai Zau Mung Zup tsun ai.

Hpawng hta KBC Shingwang kata nga ai Ginwang (17) kata na Buga Ramma Hpuawn ni marai (300) jan sa du shanglawm nga ai rai nna November  (9) ya shani du hkra galaw na re lam chye lu ai.

Leave a Reply

Your email address will not be published. Required fields are marked *