Amyu Shayi Ni Tinang Galaw Shapraw ai Gunrai ni Hpe Gat Lawk Shachyen Lamang Galaw ai Shiga

Jinghpaw mung kaw nga ai amyu shayi ni tinang na tinang gin shapraw ai gunrai ni hpe gat lawk shachyen ai lamang hpe November (5) ya shani Myitkyina manau wang kaw galaw ai lam chye lu ai.

Ndai lamang hpe Htoi Gender hte International Community ni kawn woi awn galaw ai re hte lamang galaw ai lam gaw Jinghpaw mung kaw nga ai amyu shayi ni tinang a, shang gumhpraw lu mai ai gunrai ni hpe galaw shapraw wa ai shaloi kaja wa nan, gat lawk de lu du ai lam n mu mada ai,mare gahtawng grup yin hkan e, Hpai dut ai madang sha naw re ai hpe mu mada ai, tinang galaw shapraw ai gunrai ni hpe gat lawk de lawan ai hku du lu na matu yaw shada let, n dai lamang hpe galaw ai re lam Htoi Gender na Sr Maran Sut Htoi Seng kawn tsun ai.

Gat lawk shachyen lamang hta Organic lu sha ni, jinghpaw maka the  galaw shapraw da ai gunrai ni, Hpun/kawa hte galaw da ai gunrai ni,  Anhte ginra hta pru ai Payin (Pat) hte galaw da ai tsi mawan gunrai ni hte Hpyen yen mung shawa ni kawn galaw shapraw da ai Langu si chyaw, Wine zawn re ai ni hpe madun ai lam, gunrai madun lamang hta NGO,CSO,mare kahtawng amyu shayi ni,IDP ni hte Myitkyina htawng kaw nna amyu shayi ni galaw shapraw da gunrai ni mung madun ai lam chye lu ai.

Gat lawk shachyen lamang hta gat lawk (36) hpe lu madun sai hte Gat lawk madun poi sa Mungshawa ni marai (400) daram shang lawm ai lam, ndai gat lawk shachyen lamang hpe Htoi Gender hku nna, shawng ningnan lang woi galaw ai re hte du wa na aten hta  jinghpaw mung kaw nga ai amyu shayi ni galaw shapraw ai gunrai ni hpe dam lada hkra gat lawk shachyen ya ai lamang ni  matut galaw sa wa na masing nga ai lam chye lu ai.

Leave a Reply

Your email address will not be published. Required fields are marked *