World Champion Kyokushin Karate shingjawng poi hta Jinghpaw ma marai lahkawng Champion lu

Japan Mungdan Tokyo kaw 12 lang na Mungkan madang Kyokushin Karate shingjawng poi lamang hpe November 22-24 ya shani kaw galaw nga ai lam na chye lu ai.

Myen Mungdan a gawng malai sa shingjawng ai Zai Wunpawng Kyokushin Karate Club kaw na Maran Ja La hte Maji San Mai Nu gaw Champion Ja dazik lu ai rai nna Maji Seng Latt Awng gaw No. (2) Gumhpraw Dazik lu ai lam Zai Wunpawng Kyokushin Karate Club na Sara Bwilap Ying Bawm tsun ai kaw na chye lu ai.

Kyokushin Karate shing jawng poi lamang hta Myen Mungdan a gawng malai Jinghpaw ma marai (4) sa du shing jawng ai rai nna Ndai Kyokushin Karate shing jawng poi lamang hta Mungkan Mungdan shara shagu na ginsup ninghkring ni mung sa shang lawm ginsup ai re lam chye lu ai.

Ndai Kyokushin Karate shing jawng poi lamang hpe (4) ning hta kalang galaw ai re hpe mung chye lu ai.

Photo Credit

Leave a Reply

Your email address will not be published. Required fields are marked *