Gaw Ningja ni a hkrumzup hpawng galaw

Woichyai hpyen yen dabang kaw nga ai Hkum hkrang daw chyen hkala nba byin hkrum ai Gaw Ningja ni hte Gaw Ningja nre ai hpyen koi yen Mung shawa ni November 25 ya shani Woichyai Dabang Hkalup Hpung nawku jawng kaw hkrumzup hpawng galaw ai lam nga ai.

Hkrumzup hpawng hpe KDG kaw na woi awn galaw ai rai nna Gaw Ningja ni a shinggyim ahkaw ahkang ni hte seng ai lam hpe ningmu jahpaw hkaw tsun ai lam galaw ai re hpe chye lu ai.

Ndai hpawng galaw ai lam gaw makau grup yin shingyim wuhpung wuhpawng ni Gaw Ningja ni a shinggyim ahkaw ahkang ni hpe chye na na matu hte Gaw Ningja re ai ni nan mung tinang a hkaw ahkang ni hpe chye na nna tinang a prat hpe manu dan ai hku nga pra sak hkrung lu na matu yaw shada let galaw ai re lam Dabang kata nga ai Gaw Ningja ni hpe lata tut woi awn nga ai Salang Myihtoi Awng tsun ai.

Gaw Ningja ni a hkrumzup hpawng hpe Dabang kata laning mi hta yawm dik 3 lang daram galaw nga ai rai nna shanhte galaw lu ai lata amu bungli ni hte seng ai hpe mung bawngban jahkrup nna galaw sa ai hpawng re ai hpe mung chye lu ai.

Woichyai hpyen yen dabang kaw hpyen koi yen Mung shawa yawng 6000 jan nga ai hta marai 60 daram gaw Gaw Ningja re ai hpe mung chye lu ai.

Leave a Reply

Your email address will not be published. Required fields are marked *