Amyu Shayi ni hpe mazut roi rip ai lam jahkring kau lu na lam hte seng nna hkaw tsun hpawng galaw nga

Amyu Shayi ni a ntsa mazut roi rip lam jahkring kau  lu n matu Gender npawt tawn ai mazut roi rip ninghkap hpung ni hte shinggyim magam lam, Jinghpaw Mung amyu shayi komiti ni kaw nna woi awn nhtawm November 25 ya shani kaw nna December 10 ya shani du hkra (16) ya shamu shamawt lam galaw sa wa na re hpe chye lu ai.

Ndai shamu shamawt lam hpe Jinghpaw Mung kata hpyen yen dabang ni hkan madung galaw sa wa na re hte Mung shawa law law nga ai ginra ni hta mung galaw sa wa na rai nna amyu shayi ni hpe mazut roi rip ai lam ni n byin lu na matu, rap ra tara hpe lu la na matu, myit jasat ni galai shai nna ningmu kaja lu na matu galaw ai re lam Dr. Aye Hkai Zin  tsun da ai re.

Jinghpaw Mung kata GENDER npawt tawn ai mazut roi rip ninghkap hpung hpe lai wa sai 2014 shaning kaw nna hpaw hpang wa ai rai nna shamu shamawt lam hpe shaning shagu galaw ai hta amyu shayi ni hpe mazut roi rip ai lam ni n byin na matu November 25 ya shani galaw ai hpaw hpawng lamang hta Jinghpaw Mungdaw Hkringmang Daju Dr. Hkyet Awng mung sa du shanglawm ai hte galaw la lu sai sha hte  hpyen yen dabang shagu de mung matut galaw sa wa na re hpe mung chye lu ai.

Photo credit; EPN’s FB

Leave a Reply

Your email address will not be published. Required fields are marked *