Ninggawn Mung Masa hte Hpung Pati majat sharin hpawng galaw

Ginjaw Ginra Ginwang Ginjaw Pati Komiti ni woi awn nhtawm November 27 ya shani kaw nna 30 ya shani du hkra Je Yang hpyen yen dabang kaw Ninggawn Mung Masa hte Hpung Pati majat sharin hpawng galaw nga ai lam chye lu ai.

Lai wa sai ten hta ninggawn mung masa hpe ginwang, ginwang daw, ninghtawn mare buga hku nna sharin ya ai raitim hpyen majan byin wa ai aten kaw nna grai wa n-gun n lu dat mat ai majaw Mungchying Mung shawa ni Hpung Pati a lam chye na hkawn hkrang wa lu na matu galaw ai re lam Ginjaw Ginra Ginwang Ginjaw Pati Amu Madu Salang La Bawng Gam Rip tsun ai.

Sharin hpawng hta Ningtau Ninggawn Amu Madu Salang kaba Labang Doi Pyi Sa kaw nna sa du sharin ya ai rai nna madung gaw Ninggawn Mung Masa Lam hte Wunpawng Mungdan Shanglawt Hpung a gawda tara hte seng ai lam ni hpe sharin ya ai re lam chye lu ai.

Hpung Pati hte seng nna dingyang sharin ya nga ai re hte ndai sharin hpawng hta Hpung Shang Masha Majing hte Shingnan Hpung Shang Masha marai 200 jan sa du sharin hkam la ai re hpe chye lu ai.

Leave a Reply

Your email address will not be published. Required fields are marked *