Manmaw Deng (3) na Lamu ga manghkang hte seng nna jep joi nga ding yang rai nga

Manmaw Dap Jung Masat (5) Set Toi Ye Myen Hpyen Dap hte lamu ga manghkang byin ai Manmaw Deng 3 na lamu ga manghkang hpe jep joi ai lam laning mi du wa magang sai raitim ngut kre lu ai lam n nga shi ai re.

Ndai lamu ga manghkang hte seng nna du wa na December 9 ya shani kalang bai Tara Rung shapraw jep joi sa wa na lam nga ai hpe Lamu ga manghkang byin ai nta masha ni tsun ai kaw na chye lu ai.

Lamu ga manghkang byin hkrum ai Manmaw Deng 3 na Mung shawa nkau gaw Hpyen Dap hte byin ai manghkang re majaw htingra hpe asum hkam kau ma ai rai nna ya aten Sara Jangma Tu Mai nta masha ni shad amu hpe naw matut hkan nga dingyang rai nga ai hpe chye lu ai.

Lamu ga manghkang byin hkrum ai Mung shawa ni tsun ai hta dai shara kaw Set Toi Ye Myen Hpyen Dap du wa ai kaw na shanhte hpe aming hte gawt ai majaw htawt da ai shara re hte Asuya nnan bai lung ai ten du tim dai shara hkan Hpyen Dap kaw nna hpa galaw wa ai lam n nga ai majaw htingra madu ni gaw shara wa jasan nna bai wa nga na matu galaw wa ai kaw ya na zawn lamu ga tawt lai ya ai amu Pukma 447, Pukma 61 hte tara jewat da hkrum ai re hpe chye lu ai.

Ndai zawn Manmaw ginwang kata shara law law hta lamu ga manghkang byin hkrum nga ai rai nna dai zawn lamu ga manghkang byin hkrum nga ai Mung shawa ni hte Myen mung ေတာင္သူလယ္သမားသမဂၢ kaw na lit nga ai ni November 23 ya shani Manmaw  Hku Li mare kaw sa du hkrum shaga ningmu jahpaw hkaw tsun hpawng galaw ai lam nga ai re hpe chye lu ga ai.

Leave a Reply

Your email address will not be published. Required fields are marked *