Mister United World Myanmar 2020 Winner, Jangma Htoi Awng hpe shagrau hkalum lamang galaw

Sinpraw Jarit Mayan Shingni Hpung (SJS) ni kawn Mister United World Myanmar 2020 Winner, Jangma Htoi Awng hpe December praw 1 ya shani SJS Shingni Rung (Mai Ja Yang) kaw shagrau hkalum hpawng  galaw ai lam SJS ningbaw shana wa ai kaw na chye lu ai.

Winner lu wa ai lam gaw “2017 July shata, Myitkyina kaw shingjawng ai hta Mister lu nna Jinghpaw Mung gawng malai marai 3 lata ai hta na Monyin gawng malai hku nna Yangon kaw bai shingjawng ai hta Title kaji kumhpa hpe lu ai re, dai hpang Yangon kaw nga nna 2017-2018 lapran Show hkawm, shingni bungli galaw rai nna bai hkyen lajang let 2019 shaning Myanmar Beauty Paradise kaw nna woi awn galaw ai Mister United World Myanmar 2020 hta Jinghpaw Mung Myitkyina gawng malai hku shingjawng ai hta Winner hpe lu ai re hte du wa na 2020 May shata hta mung Myen Mung a gawng malai Thai Mungdan kaw sa shingjawng na re” nga nna Jangma Htoi Awng tsun ai. Nsen…

Jangma Htoi Awng gaw du wa na January 20 jan kaw mung Sumla hkrung (ရုပ္ရွင္) gayet na lam nga ai rai nna ေၾကာ္ညာ ni hpe mung hkap la da ai re hte Sinpraw Jarit Mayan Shingni Hpung hte mung matut mahkai ai lam ni galaw nna shingni lam ni galaw sa wa na lam nga ai re hpe chye lu ai.

Hkap hkalum shagrau hpawng hta Sinpraw Jarit Mayan Shingni Hpung Ningbaw Nhkum Htu Seng kaw nna mung hkap hkalum shagrau mungga hpe shaga ya ai re hte Sinpraw Jarit Mayan Shingni Hpung kata na shingni hpung ni sa du shanglawm ai re hpe chye lu ai.

Leave a Reply

Your email address will not be published. Required fields are marked *